Thursday, 10 April 2008

ആലപ്പുഴ ബ്ലോഗ് ശില്‍പ്പശാല

ആലപ്പുഴ ജില്ലയില്‍ ബ്ലോഗ് ശില്‍പ്പശാല നടത്തണമെന്ന് ആഗ്രഹിക്കുന്ന സുമനസ്സുകള്‍ ദയവായി 2008 ഏപ്രില്‍ 27 ന് കോഴിക്കോട് വച്ച് നടത്തപ്പെടുന്ന ബ്ലോഗ് ശില്‍പ്പശാലയില്‍ പങ്കെടുക്കുന്നത് നന്നായിരിക്കുമെന്ന് അറിയിക്കട്ടെ.(കോഴിക്കോട് ബ്ലോഗ് ശില്‍പ്പശാലയെക്കുറിച്ചുള്ള ജില്ലാ ബ്ലോഗിലേക്ക് ഇവിടെ ഞെക്കി പോകുക) അവിടെ നിന്നും ലഭിക്കുന്ന പരിചയവും കൂട്ടായ്മയും പുതിയ ബ്ലോഗ് ശില്‍പ്പശാല നടത്തുന്നതില്‍ ഉപകാരപ്രദമായിരിക്കും. ബ്ലോഗ് അക്കാദമിയുടെ ഘടനയും പ്രവര്‍ത്തന രീതികളും മനസ്സിലാക്കാന്‍ താഴെക്കൊടുത്ത വിവരണം വായിക്കുക:

ബ്ലോഗ് അക്കാദമി- എന്ത്,എന്തിന് ?
കേരളാ ബ്ലോഗ് അക്കാദമി ഒരു അധികാര സ്ഥാപനമല്ല.നിശ്ചിത ഭരണ ഘടനയോ,ഭാരവാഹികളോ ഉള്ള സംഘടനയുമല്ല.ബ്ലോഗ് അക്കാദമി എന്നത് ഒരു ആശയത്തില്‍ നിന്നും ഉടലെടുത്ത താല്‍ക്കാലിക സംവിധാനമാണ്.വിഭാഗീയതക്കോ, ആശയ സമരത്തിനോ, ഈ വേദിയില്‍ സ്ഥാനമില്ല. ഇവിടെ എല്ലാവരും തുല്യരാണ്. അന്യരെ തുല്യരായി ബഹുമാനിക്കുന്നവര്‍ക്ക് അക്കാദമിയുടെ പ്രവര്‍ത്തനത്തില്‍ ഭാഗഭാക്കാവാം.

അടുത്ത അഞ്ചോ,പത്തോ വര്‍ഷത്തിനിടയില്‍ (മൊബൈല്‍ ഫോണ്‍ നമ്മുടെ ജീവിതത്തെ മാറ്റിമറിച്ചതിനേക്കാള്‍) വിപ്ലവകരമായ ടെക്നോളജിയായി, ഒരു സ്വതന്ത്ര ജനകീയ മാധ്യമമായി ബ്ലോഗ് വളര്‍ച്ച പ്രാപിക്കുംബോള്‍ വിവേചനങ്ങളില്ലാത്ത ഒരു ജനാധിപത്യവ്യവസ്ഥയുടെ ഉദയത്തിനുകൂടി അതു കാരണമാകാം. അതുകൊണ്ടുതന്നെ ആ പ്രക്രിയക്ക് വേഗം പകരാന്‍ ബ്ലൊഗിനെക്കുറിച്ചുള്ള അറിവും,അതിന്റെ അനന്ത സാധ്യതകളെക്കുറിച്ചുള്ള ബോധവും സാധാരണ ജനങ്ങളിലെത്തിച്ചേരേണ്ടിയിരിക്കുന്നു. സാധാരണ ജനങ്ങളെ ബോധവല്‍ക്കരിക്കുക എന്നത് ഈശ്വര സാക്ഷാത്കാരം പോലെ മഹത്തായ അനുഭൂതി നല്‍കുന്ന പുണ്യകര്‍മ്മമാണ്.
മലയാളം ബ്ലോഗേഴ്സല്ലാത്തവര്‍ക്ക് ബ്ലോഗിങ്ങിന്റെ പ്രാഥമിക കാര്യങ്ങള്‍ ലളിതമായി നേരില്‍ പരിചയപ്പെടുത്തുന്ന ശില്‍പ്പശാലകളിലൂടെ ബ്ലോഗിങ്ങ് പ്രചരിപ്പിക്കുകയാണ് ബ്ലോഗ് അക്കാദമിയുടെ പ്രവര്‍ത്ത പരിപാടി.
മലയാളത്തെ സ്നേഹിക്കുന്ന ആര്‍ക്കും ഇതുമായി ബന്ധപ്പെട്ടു പ്രവര്‍ത്തിക്കാം.ബ്ലോഗര്‍മാര്‍ക്ക് ഈ വേദിയില്‍ വലിപ്പച്ചെറുപ്പങ്ങളോ ഭേദഭാവങ്ങളോ ഇല്ല. എല്ലാവരും സമന്മാരും ബഹുമാന്യരുമാണ്.ബ്ലോഗിങ്ങ് ജനകീയമാകുന്നതോടെ,സുപരിചിതമാകുന്നതോടെ ഈ ബ്ലോഗ് അക്കാദമി സ്വയം ഇല്ലാതാകുന്നതായിരിക്കും.

ഇതുവരെ ലഭ്യമായ ബ്ലോഗിങ്ങിനെക്കുറിച്ചുള്ള എല്ലാ പ്രമുഖ ബ്ലോഗ്ഗര്‍മാരുടേയും ബ്ലോഗ് സഹായ പോസ്റ്റുകളും,അനുബന്ധ വിവരങ്ങളും സമാഹരിച്ച് ബ്ലോഗിനെക്കുറിച്ച് അറിയാന്‍ ആഗ്രഹിക്കുന്നവര്‍ക്ക് അതിന്റെ CD യും പ്രിന്റുകളും, നല്‍കി സൌജന്യമായി ബ്ലോഗ് പരിശീലനം നല്‍കുന്ന കേരള ബ്ലോഗ് അക്കാദമിയുടെ പ്രവത്തനങ്ങളെ സഹായിക്കാന്‍ ഏവരോടും അഭ്യര്‍ത്ഥിക്കുന്നു.

12 comments:

Blog Academy said...

ആലപ്പുഴ ജില്ലയില്‍ ബ്ലോഗ് ശില്‍പ്പശാല നടത്തണമെന്ന് ആഗ്രഹിക്കുന്ന സുമനസ്സുകള്‍ ദയവായി 2008 ഏപ്രില്‍ 27 ന് കോഴിക്കോട് വച്ച് നടത്തപ്പെടുന്ന ബ്ലോഗ് ശില്‍പ്പശാലയില്‍ പങ്കെടുക്കുന്നത് നന്നായിരിക്കുമെന്ന് അറിയിക്കട്ടെ. അവിടെ നിന്നും ലഭിക്കുന്ന പരിചയവും കൂട്ടായ്മയും പുതിയ ബ്ലോഗ് ശില്‍പ്പശാല നടത്തുന്നതില്‍ ഉപകാരപ്രദമായിരിക്കും.

യാഥാര്‍ത്ഥ്യന്‍ - V. S.Kochukrishnan said...

how to be get in to blog accadamy

Blog Academy said...

യാഥാര്‍ത്ഥ്യന്‍-കൊച്ചുകൃഷ്,

ഇങ്ങനെ കമന്റിടുകയോ,ഈ മെയില്‍ വിലാസമോ,ഫോണ്‍ നംബറോ blogacademy@gmail.com
എന്ന വിലാസത്തില്‍ അറിയിക്കുകയോ ചെയ്താല്‍ മതിയാകും. ബ്ലോഗ് അക്കാദമിയില്‍ സജീവമായി പ്രവര്‍ത്തിക്കാന്‍ ഇവിടെ ഒത്തുകൂടുന്ന സഹബ്ലോഗര്‍മാരുമായി ബന്ധപ്പെടുക കൂടി ചെയ്യുക. ആലപ്പുഴ ബ്ലോഗ് ശില്‍പ്പശാല സംഘടിപ്പിക്കാന്‍ താല്‍പ്പര്യമുണ്ടെങ്കില്‍ ബന്ധപ്പെടുമല്ലോ.
സസ്നേഹം.

Blog Academy said...

കമന്റ് ട്രാക്കിങ്ങ്. ഏവര്‍ക്കും ബ്ലോഗ് അക്കാദമിയിലേക്ക് സ്വാഗതം.

ചിത്രകാരന്‍chithrakaran said...

ഏപ്രില്‍ 27 നു നടക്കുന്ന കോഴിക്കോട് മലയാളം ബ്ലോഗ് ശില്‍പ്പശാലയെക്കുറിച്ചറിയാന്‍ ഇവിടെ ഞെക്കുക. കേരളത്തിലെ വിവിധ ജില്ലാ ബ്ലോഗ് ആക്കാദമി വാര്‍ത്തകളറിയാന്‍ ഇവിടേയും.

Blog Academy said...

പുതിയ ബ്ലോഗേഴ്സിനുണ്ടാകുന്ന സംശയങ്ങള്‍ക്ക് പരിഹാരം നല്‍കുന്നതിനായി അക്കാദമി ഒരു ബ്ലോഗ് ഹെല്‍പ്പ് സെന്റര്‍ തുടങ്ങിയിരിക്കുന്നു. ഇവിടെ ക്ലിക്കിയാല്‍ ഹെല്‍പ്പ് സെന്ററില്‍ എത്താനാകും.

യാഥാര്‍ത്ഥ്യന്‍ - (vsk.krishnan) said...

ഹായ്‌
നന്ദി
ചില സാങ്കേതിക കാരണങ്ങള്‍ എന്റെ പോസ്റ്റിംഗ്‌ തടസ്സപ്പെടുത്തുന്നു. പക്ഷേ ഉടന്‍ വരുന്നൂ......................

കാപ്പിലാന്‍ said...

അയ്യോ ..ആലപ്പുഴയിലും ബ്ലോഗ്ഗ് ശില്പശാലയോ ? എന്നനത്.ഞാന്‍ മെയ് മാസം 30 മുതല്‍ ജൂണ്‍ 27 വരെ നാട്ടില്‍ ഉണ്ട് .ഞാനും ഒരാലപ്പുഴ കാരന്‍ ആണേ .കായംകുളം കൃഷ്ണപുരം ,കാപ്പില്‍ .വിവരങ്ങള്‍ അറിയിക്കുക .lalpthomas@gmail.com
എല്ലാവിധ ആശംസകളും അറിയിക്കുന്നു

Blog Academy said...

കാപ്പിലാനു മുന്‍‌കൈ എടുക്കാമെങ്കില്‍ കാപ്പിലാന്റെ സൌകര്യത്തിലുള്ളൊരു ദിവസം തന്നെ നമുക്ക് ആലപ്പുഴയിലും ശില്‍പ്പശാല നടത്താം.ഞായറാഴ്ച്ച നല്ല ദിവസം !

കാപ്പിലാന്‍ said...

മുന്‍കൈ എടുക്കാന്‍ ഒന്നും പറ്റില്ല .നാട്ടുകാര്‍ ഉള്ളപ്പോള്‍ ഒരു വരുത്തന്‍ എന്ത് ചെയ്യാന്‍ .നിങ്ങള്‍ പറഞ്ഞാല്‍ ആ സമയം വരാം എന്ന് മാത്രം :)

കാപ്പിലാന്‍ said...

എന്‍റെ നാട്ടിലെ മൊബൈല്‍ നമ്പര്‍ 9746308920 ആലപ്പുഴയില്‍ ശില്‍പശാല നടത്തുന്നെന്കില്‍ എന്നെ അറിയിക്കുക
കാപ്പിലാന്‍

(^oo^) bad girl (^oo^) said...

i like......